elnur astanbəyli
Yazan elmin88 on Mart 9, 2008
İNSAN HƏMİŞƏ TEZ ÖLÜR
dostumun
mənim dostumun
mənim ən yaxın dostumun
əynindəki bu kəfən
içdiyi şərablar
geydiyi cins şalvarlar
yazdığı düşük mesajlar
döydüyü ofisiantlar
söydüyü konduktorlar
aldatdığı qadınlar
unutduğu hər şey, hər şey
qarşısında
qaldırdığı ağ bayraq deyilsə,
bəs nədir?..
Gecə ekspresi
mobil telefonu söndürmək
sonra televiziyonu söndürmək
sonra işığı
sonra ehtirasını
sonra bir siqara yandırmaq
sonra işığı yandırmaq
sonra televiziyonu
sonra mobil telefonu
və
çaynikin altını yandırmaq sonda da…
Ağrıkəsici
nəyisə xatırlamaq
gecikdiyin metro qatarlarının
arxasınca baxaraq
sonra gülümsəmək
növbəti qatarı da buraxaraq -
eynən dispetçer qız kimi
bax budur bu
həyatdan məmnun olmaq. Nonsens
nə qədər gülməlidi, deyilmi,
oğlunu Quma, Məşhədə yox
məhz Londona oxumağa göndərmiş
dindar tanışım
hələ üstəlik
utanıb-eləmədən
mobil telefonda mənə
qloballaşmanın
zərərlərini anladır durmadan┘
Avqust
hər səhər evdən çıxıb
ümid dalınca gedərik işə
gedərik ümidlə – dostlarla görüşə
evə qayıdınca yolüstü
dönərik ümid-marketə
iki ümid – çörək
yarım kilo ümid – kolbasa
bir şüşə ümid – araq
alarıq
baxarıq cibimizdə ümid – pul yoxdu
adımızı yazdırarıq ümid – nisyə dəftərinə┘
Cavab SMS-ləri
hər kəs
necə
öləcəyinə
özü
qərar
verir
* * *
ağcaqanadları
və
milçəkləri
öldürməyin
axı
onların
damarlarında
sizin
qanınız
axır
* * *
mənə
bir şans da
verin
günahsızlığımı
sübut
etməyə
göstərim
necə
şanssız
olduğumu
***
hamımız
beləyik
anası
gözəl
olan
cocuqları
daha çox
sevərik
***
bizim
bu ölkədə
sevgisiz də
sevişə
bilən
nə qədər
qadın varsa
o qədərdir
balansımda
kontur
mənə
kontur
yüklə
balansım
sıfır
***
insan
həmişə
tez
ölür
